అక్టోబర్ 11 నుండి ప్రశాంత్ నగర్ నందు నవరాత్రి ఉత్సవాలు

- శ్రీరామ్ చినబాబు,సీడ్స్ మల్లికార్జున నాయుడులకు ఆహ్వానం 
మదనపల్లె : పట్టణంలోని ప్రశాంతనగర్ నందు నిర్వహించ తలపెట్టిన శ్రీ దుర్గామాత నవరాత్రి ఉత్సవాలకు తెలుగు యువత రాష్ట్ర అధ్యక్షులు శ్రీరామ్ చినబాబు,టీడీపీ సీనియర్ నాయకులు సీడ్ మల్లికార్జున నాయుడులను ఉత్సవ కమిటీ సభ్యులు సోమవారం ఆహ్వానించారు.ప్రశాంత్ నగర్ నందు అక్టోబర్ 11 నుంచి 21 వరకు నవరాత్రి ఉత్సవాలను వైభవంగా నిర్వహిస్తున్నట్లు తెలిపారు.ఈ ఉత్సవాలకు పట్టణంలోని ప్రముఖులను ఆహ్వానిస్తున్నట్లు వారు తెలిపారు.ప్రజలు శ్రీ దుర్గామాత అమ్మవారిని దర్శించుకుని తీర్థప్రసాదాలు స్వీకరించాలని ఉత్సవ కమిటీ సభ్యులు కోరారు.ఈ సందర్భంగా శ్రీరామ్ చినబాబు మాట్లాడుతూ ప్రతి ఏడాది ప్రశాంత్ నగర్ నందు దసరా ఉత్సవాలు ఎంతో వైభవంగా నిర్వహించుకోవడం ఆనవాయితీ అన్నారు.యువత ఆధ్యాత్మిక భావాలను పెంపొందించుకోవాలన్నారు.అమ్మవారి ఆశీస్సులతో ఈ ఏడాది నవరాత్రి ఉత్సవాలు దిగ్విజయంగా జరగాలని ఆయన ఆకాంక్షించారు.దసరా ఉత్సవాలకు తప్పక హాజరవుతానని ఆయన హామీ ఇచ్చారు.ఈ కార్యక్రమంలో బాలకృష్ణ,వెంకట్ రెడ్డి,నరేష్ కుమార్,అఖిలేష్,యోగి,దివాకర్,మురళి తదితరులు పాల్గొన్నారు.