ఐటీడీపీ ర్యాంకుల్లో లక్ష్మీకాంత్‌ రెడ్డి సత్తా
రాష్ట్రస్థాయిలో టాప్‌–100.. పాతపట్నం నియోజకవర్గంలో ప్రథమ స్థానం
మెలియాపుట్టి. ఐటీడీపీ కార్యక్రమాల్లో చురుకుగా పాల్గొంటూ పార్టీ అప్పగించిన బాధ్యతలను సమర్థంగా నిర్వహిస్తున్న మెలియాపుట్టి గ్రామానికి చెందిన దుక్క లక్ష్మీకాంత్‌ (శంకర్‌) రెడ్డి గుర్తింపు పొందారు. రాష్ట్రస్థాయిలో టాప్‌–100 ర్యాంకు సాధించడంతో పాటు పాతపట్నం నియోజకవర్గ స్థాయిలో ప్రథమ స్థానంలో నిలిచారు.
మంగళగిరిలోని తెలుగుదేశం పార్టీ కేంద్ర కార్యాలయంలో నిర్వహించిన ఐటీడీపీ సెషన్‌లో భాగంగా లక్ష్మీకాంత్‌ రెడ్డికి పార్టీ జాతీయ ప్రధాన కార్యదర్శి నారా లోకేశ్‌, రాష్ట్ర అధ్యక్షుడు పల్లా శ్రీనివాసరావును నేరుగా కలిసే అవకాశం లభించింది. ప్రభుత్వ సంక్షేమ పథకాలను ప్రజల్లోకి తీసుకెళ్లడం, పార్టీ కార్యక్రమాలను విస్తృతంగా ప్రచారం చేయడం, అప్పగించిన బాధ్యతలను నిబద్ధతతో నిర్వహించడంలో ఆయన చూపిన చొరవకు ఈ గుర్తింపు నిదర్శనంగా నిలిచింది.
ఈ సందర్భంగా లక్ష్మీకాంత్‌ రెడ్డి మాట్లాడుతూ ఈ గుర్తింపు తన బాధ్యతను మరింత పెంచిందన్నారు. భవిష్యత్తులోనూ ప్రభుత్వ సంక్షేమ పథకాలను అర్హులైన ప్రతి ఒక్కరికీ చేరవేయడంతో పాటు పార్టీ కార్యక్రమాలను ప్రజల్లోకి తీసుకెళ్లేందుకు మరింత పట్టుదలతో పనిచేస్తానని తెలిపారు. తనకు ఈ అవకాశం కల్పించిన పాతపట్నం ఎమ్మెల్యే మామిడి గోవిందరావుకు ప్రత్యేక కృతజ్ఞతలు తెలిపారు.
