andhrapradesh
అధికారుల నిర్లక్ష్య ధోరణితో భక్తులలో పెరిగిన అసహనం
- సామాన్య భక్తులకు తీవ్ర ఇబ్బందులు
పాలకొండ, సూర్య: పాలకొండ శ్రీ కోట దుర్గ అమ్మవారి దసరానవరాత్రి ఉత్సవాలు లో అధికారుల నిర్లక్ష్యం కనపడింది. అమ్మ వారి నిజ రూపం దర్శనం అంటే సుదూర ప్రాంతాల నుండి వేలాది మంది భక్తులు ఇక్కడకు వచ్చి అమ్మవారిని దర్శించుకోవడం కొన్ని దశాబ్దాల కాలం నుండి ఆనవాయితీగా వస్తుంది. ఈ నేపథ్యంలోనే ఈ ఏడాది కూడా లెక్కకు మించిన భక్తులు వేరువేరు ప్రాంతాల నుండి తరలివచ్చారు. అయితే సుదూర ప్రాంతాల నుండి వచ్చే భక్తుల కోసం, గతంలో ఇక్కడి అధికారులు ఒక ప్రత్యేక మైన ప్రణాళికతో వారికి అమ్మవారి దర్శన భాగ్యం కల్పిస్తూ, ఎటువంటి ఇబ్బందులు లేకుండా కృషి చేసేవారు. అయితే ప్రస్తుతం ఆలయ అధికారులకు కనీస పరిజ్ఞానం కూడా లేకపోవడంతో, సుదూర ప్రాంతాల నుండి వచ్చిన భక్తులే కాకుండా ఈ ప్రాంత ప్రజలు కూడా తీవ్ర ఇబ్బందులను ఎదుర్కోవలసి వచ్చింది. ముఖ్యంగా ఆలయ సిబ్బంది బంధువులు, మిత్రులు, రాజకీయ నేతలు అంటూ వారికి నచ్చిన వారిని ఇతర ప్రవేశ ద్వారం నుండి లోనికి అనుమతించడంతో, క్యూలైన్లలో వేచి ఉన్న భక్తులు గంటలు కొలది అమ్మవారి దర్శనం కోసం ఎదురు చూడాల్సి వచ్చింది. క్యూలైన్లో ఉండే భక్తుల కోసం అందించే మజ్జిగ ప్యాకెట్లు వంటివి కూడా అరకొరగానే అందించటంతో, అనేకమంది అడిగి విసిగి వేసారి పోయారే తప్ప వారికి అందలేదని ఆరోపణలున్నాయి. మరీ ముఖ్యంగాదేవాదాయ శాఖ అధికారులు అధికారులు, భక్తుల సౌకర్యాలకన్నా, కలెక్షన్ల పైనే ప్రత్యేక దృష్టి సారించినట్లు నవరాత్రి ఉత్సవ వేడుకల్లో విస్తృతంగా ప్రచారంజరిగింది. ఎందుకు కారణం కూడా లేకపోలేదు. 100 రూపాయల టిక్కెట్ కౌంటర్ వద్ద, సాంకేతిక లోపం కారణాన్ని చూపిస్తూ, అధిక సమయం చిత్తుకాగితాలపై పెన్నులతో 100 రూపాయలు అని రాసి భక్తుల దగ్గర నగద వసూలు చేసి స్లిప్పులు ఇవ్వటంపై సర్వత్రా విమర్శలు ఎదురవుతున్నాయి. అలాగే ప్రసాదలు విక్రయం లో బిల్లులు లేకుండా అమ్మకాలు జరపడం తో అనేక అనుమానులకు తావిస్తోంది.ఇలా లెక్క జమా లేకుండా చేసిన కలెక్షన్ ఎంత? అది ఎవరికి చెందుతుంది?. అలా విక్రయించుకునేందుకు ఎవరైనా అనుమతులు జారీ చేశారా అనే సందేహాలు సర్వత్ర వినిపిస్తున్నాయి. అధికారులు ఉత్సవాల నిర్వహణలో కేవలం కలెక్షన్ల పైనే కాకుండా భక్తుల ప్రయోజనాలపై కూడా శ్రద్ధ చూపాల్సిన ఆవశ్యకత ఎంతైనా ఉంది. అయినప్పటికీ స్థానిక అధికారుల వైఖరి ఇందుకు పూర్తి భిన్నంగా ఉండటం ఎవరికైనా సందేహం కలిగించక మానదు.
