andhrapradesh
ఆర్టీసీ బస్సు డ్రైవర్‌కు గుండెపోటు: ప్రయాణికులను కాపాడిన కన్నుమూత
సూర్య, అనకాపల్లి:కాకినాడ నుంచి విశాఖపట్నం వెళ్తున్న ఆర్టీసీ సూపర్ లగ్జరీ బస్సు డ్రైవర్ శ్రీనివాస్ గుండెపోటుతో మృతి చెందారు. ప్రయాణంలో ఉండగా ఒక్కసారిగా తీవ్రమైన గుండెపోటు రావడంతో అప్రమ4త్తమైన ఆయన, చాకచక్యంగా వ్యవహరించి బస్సును రహదారి పక్కన సురక్షితంగా ఆపేశారు. దీంతో బస్సులోని ప్రయాణికులందరూ ప్రమాదం నుండి క్షేమంగా బయటపడ్డారు.
అనంతరం తోటి సిబ్బంది, ప్రయాణికులు ఆయనను హుటాహుటిన సమీప ఆస్పత్రికి తరలించారు. అయితే, ఆస్పత్రిలో చికిత్స పొందుతూ శ్రీనివాస్ తుదిశ్వాస విడిచారు. తన ప్రాణాలు పోతున్న సమయాల్లోనూ ప్రయాణికుల సురక్షతకే ప్రాధాన్యమిచ్చి ప్రమాదాన్ని తప్పించిన డ్రైవర్ శ్రీనివాస్ సమయస్ఫూర్తిని, ధైర్యాన్ని పలువురు కొనియాడారు.
