సమాచారం లేకుండానే విద్యుత్తు కోతలు

సూర్య,పెంచికల్‌పేట్ : మండలంలోని పెంచికల్‌పేట్, ఎల్లూర్ గ్రామాల్లో విద్యుత్తు పనుల పేరుతో ఉదయం నుంచి సాయంత్రం వరకు సరఫరా నిలిపివేయడంతో ప్రజలు ఇబ్బందులు ఎదుర్కొంటున్నారు. విద్యుత్తు కోతల కారణంగా తాగునీటి సరఫరాకు అంతరాయం ఏర్పడుతోంది.విద్యుత్తు పనులపై గ్రామ సర్పంచ్‌, పంచాయతీ కార్యదర్శికి ముందస్తుగా సమాచారం ఇవ్వకుండానే కాంట్రాక్టర్‌ పనులు చేపడుతున్నారని స్థానికులు ఆరోపిస్తున్నారు. ఎలాంటి సమాచారం లేకుండా పనులు చేపట్టి ప్రమాదం జరిగితే బాధ్యత ఎవరిదని వారు ప్రశ్నిస్తున్నారు. సంబంధిత అధికారులు స్పందించి ముందస్తు సమాచారం ఇచ్చేలా చర్యలు తీసుకోవాలని గ్రామస్థులు కోరుతున్నారు.