ఆమదాలవలసలో ఉచిత హోమియో వైద్య శిబిరం

-జనహిత సేవా సంఘం ఆధ్వర్యంలో 40 మందికి ఉచిత వైద్య సేవలు
ఆమదాలవలస,
జనహిత సేవా సంఘం ఆధ్వర్యంలో ఉచిత హోమియో వైద్య శిబిరం శ్రీ లక్ష్మీ నారాయణ స్వామి వారి దేవస్థానంలో ఆదివారం నిర్వహించారు. 
ఇండియన్ హోమియోపతి మెడికల్ అసోసియేషన్ కి చెందిన డాక్టర్ కె.వివేకానంద, డాక్టర్ అనిల్ కుమార్ ఆధ్వర్యంలో సుమారు  40 మంది రోగులకు ఉచిత వైద్య సలహాలు, మందులు అందజేశారు. జలుబు, దగ్గు, జ్వరం, గ్యాస్ట్రిక్ సమస్యలు, చర్మ వ్యాధులు, కీళ్ల నొప్పులు, మధుమేహం, రక్తపోటు, ఆస్తమా, అలర్జీలు, పిల్లల ఆరోగ్య సమస్యలు, మూత్రకల సమస్యలు వంటి అన్ని రకాల దీర్ఘకాలిక వ్యాధులకు చికిత్స అందించారు. పేద ప్రజలకు ఉచితంగా వైద్య సేవలు అందించాలనే లక్ష్యంతో ఈ శిబిరాలను నిర్వహిస్తున్నామని,  ప్రజలందరూ ఈ అవకాశాన్ని సద్వినియోగం చేసుకోవాలని జనహిత సేవా సంఘం సభ్యులు పేర్కొన్నారు.