70వ SGF కబడ్డీ పోటీల్లో శ్రీ సుధ విద్యార్థుల ప్రతిభ రాష్ట్ర స్థాయి పోటీలకు ఇద్దరు విద్యార్థుల ఎంపిక

డోన్, సూర్య ప్రతినిధి మేజర్ న్యూస్ కర్నూలు, నంద్యాల ఉమ్మడి జిల్లాల పరిధిలో డోన్ పట్టణంలోని జిల్లా పరిషత్ (ZP) బాలికల ఉన్నత పాఠశాలలో ఈనెల 24న నిర్వహించిన 70వ SGF (స్కూల్ గేమ్స్ ఫెడరేషన్) కబడ్డీ పోటీల్లో శ్రీ సుధ హైస్కూల్ విద్యార్థులు అద్భుత ప్రతిభ కనబరిచి రాష్ట్ర స్థాయి పోటీలకు ఎంపికయ్యారు.అండర్–17 విభాగంలో U. మహేష్, అండర్–14 విభాగంలో Y. ప్రణీత్ తమ అత్యుత్తమ ఆటతీరుతో రాష్ట్ర స్థాయి కబడ్డీ పోటీలకు ఎంపికకావడం పట్ల పాఠశాల యాజమాన్యం, ఉపాధ్యాయులు హర్షం వ్యక్తం చేశారు.ఈ సందర్భంగా పాఠశాల కరస్పాండెంట్ సాధానగిరి వేణుగోపాల్ మాట్లాడుతూ.. ఎంపికైన విద్యార్థులు రాష్ట్ర స్థాయిలోనూ విశేష ప్రతిభ కనబరిచి తల్లిదండ్రులకు, పాఠశాలకు మరియు జిల్లాకు మంచి పేరు తీసుకురావాలని ఆకాంక్షించారు.అనంతరం ఏర్పాటు చేసిన అభినందన కార్యక్రమంలో పాఠశాల చైర్మన్ సాధానగిరి సుదర్శన్, డైరెక్టర్లు రాజా సుధాకర్ గుప్తా, కరణం సూర్యనారాయణ, ప్రిన్సిపల్ మేరీ చార్లెస్, వైస్ ప్రిన్సిపల్ షమీనా తదితరులు విద్యార్థులను అభినందించారు. విద్యార్థులకు ప్రత్యేక శిక్షణనిచ్చి వారి ఎంపికకు కృషి చేసిన వ్యాయామ ఉపాధ్యాయులు (PD) నాగరాజు, మనోహర్, రవి కుమార్, సురేష్‌లను యాజమాన్యం ప్రత్యేకంగా కొనియాడింది.

సూర్యా ప్రతినిధి తారక్ డోన్ నంద్యాల జిల్లా