యాదాద్రి వెలుగులతో తెలంగాణ విద్యుత్ రంగానికి కొత్త బలం!
(4,000 మెగావాట్ల పూర్తి సామర్థ్యంతో ఉత్పత్తికి సర్కారు కార్యాచరణ.. బొగ్గు సరఫరా వ్యవస్థ బలోపేతానికి యుద్ధప్రాతిపదికన చర్యలు)
హైదరాబాద్/నల్గొండ: తెలంగాణ విద్యుత్ అవసరాలను తీర్చడంలో అత్యంత కీలకమైన యాదాద్రి థర్మల్ పవర్ స్టేషన్ (YTPS) పూర్తి స్థాయి సామర్థ్యంతో వెలుగులు నింపేందుకు సిద్ధమవుతోంది.
రాబోయే రబీ సీజన్ అవసరాలను దృష్టిలో ఉంచుకుని, ప్లాంట్కు నిరంతరాయంగా బొగ్గు సరఫరా జరిగేలా ప్రభుత్వం యుద్ధప్రాతిపదికన చర్యలు చేపట్టింది. ఇందులో భాగంగా టీజీజెన్కో (TGGENCO) మరియు బీహెచ్ఈఎల్ (BHEL) సంయుక్త ఆధ్వర్యంలో కోల్ హ్యాండ్లింగ్ ప్లాంట్ (CHP) పునరుద్ధరణ మరియు ఆధునీకరణ పనులను వేగవంతం చేశారు. గంటకు 2,500 టన్నుల బొగ్గును ప్రాసెస్ చేసే సామర్థ్యాన్ని అందుబాటులోకి తీసుకురావడంతో పాటు, నైనీ (Naini), మహానది కోల్ఫీల్డ్స్ (MCL), ఈస్టర్న్ కోల్ఫీల్డ్స్ (ECL) నుంచి దీర్ఘకాలిక బొగ్గు సరఫరా ఒప్పందాలను పటిష్టం చేశారు.