కాంగ్రెస్ జిల్లా అధికార ప్రతినిధిగా సామల కృష్ణారెడ్డి నియామకం
వికారాబాద్, మేజర్ న్యూస్: వికారాబాద్ జిల్లా కాంగ్రెస్ కమిటీ అధికార ప్రతినిధిగా సామల కృష్ణారెడ్డి నియమితులయ్యారు. తనకు ఈ బాధ్యతలు అప్పగించిన తెలంగాణ శాసనసభ స్పీకర్ గడ్డం ప్రసాద్ కుమార్, పీసీసీ అధ్యక్షుడు మహేష్ కుమార్ గౌడ్, డీసీసీ అధ్యక్షుడు జాదవ్ ధారాసింగ్లకు ఆయన ప్రత్యేక కృతజ్ఞతలు తెలిపారు. తన నియామకానికి సహకరించిన పీఏసీఎస్ చైర్మన్ బిల్లపాటి రాజశేఖరరెడ్డి, కాంగ్రెస్ పార్టీ సీనియర్ నాయకులు పట్లోళ్ల మహిపాల్ రెడ్డికి ధన్యవాదాలు తెలియజేశారు. పార్టీ తనపై ఉంచిన నమ్మకాన్ని నిలబెట్టుకుంటూ కాంగ్రెస్ పార్టీ బలోపేతానికి నిరంతరం కృషి చేస్తానని, పార్టీ ఆశయాలు, ప్రభుత్వ సంక్షేమ పథకాలను ప్రజల్లోకి తీసుకెళ్లేందుకు అంకితభావంతో పనిచేస్తానని సామల కృష్ణారెడ్డి పేర్కొన్నారు.