వినియోగదారులకు నాణ్యమైన సేవలు అందించాలి : ఎమ్మెల్యే కేపీ వివేకానంద్

కొంపల్లి మేజర్ న్యూస్ :    వ్యాపారాన్ని అభివృద్ధి చేసుకుంటూ వినియోగదారులకు నాణ్యమైన సేవలు అందించాలని ఎమ్మెల్యే కేపీ వివేకానంద్ నిర్వాహకుడికి సూచించారు. శుక్రవారం కుత్బుల్లాపూర్ నియోజకవర్గం 125వ గాజులరామారం డివిజన్ పరిధిలోని ఎన్టీఆర్ నగర్‌లో నూతనంగా ఏర్పాటు చేసిన ‘యాం మొబైల్స్’ మొబైల్ షోరూంను బీఆర్ఎస్ శాసనసభాపక్ష విప్, కుత్బుల్లాపూర్ ఎమ్మెల్యే కేపీ వివేకానంద్ ముఖ్య అతిథిగా హాజరై ప్రారంభించారు. హమీద్ ఆధ్వర్యంలో ఏర్పాటు చేసిన ఈ మొబైల్ షోరూం ప్రారంభోత్సవ కార్యక్రమంలో ఎమ్మెల్యే పాల్గొని రిబ్బన్ కట్ చేసి వ్యాపార కార్యకలాపాలను ప్రారంభించారు. ఈ సందర్భంగా ఎమ్మెల్యే కేపీ వివేకానంద్ మాట్లాడుతూ నూతనంగా వ్యాపార సంస్థను ఏర్పాటు చేసిన హమీద్‌కు శుభాకాంక్షలు తెలిపారు. వ్యాపార రంగంలో నూతనంగా అడుగుపెడుతున్న యువత, వ్యాపారవేత్తలను ప్రోత్సహించాలని పేర్కొన్నారు. స్థానిక ప్రాంతాల్లో కొత్త వ్యాపార సంస్థలు ఏర్పాటవడం వల్ల ప్రజలకు అవసరమైన వస్తువులు, సేవలు అందుబాటులోకి రావడంతో పాటు స్థానికంగా ఉపాధి అవకాశాలు కూడా పెరుగుతాయని అన్నారు. అనంతరం షోరూం నిర్వాహకుడు హమీద్ ఎమ్మెల్యేకు కృతజ్ఞతలు తెలిపారు. ఈ ప్రారంభోత్సవ కార్యక్రమంలో పీఏసీఎస్ డైరెక్టర్ పరుశ శ్రీనివాస్ యాదవ్, సీనియర్ నాయకులు కస్తూరి బాల్‌రాజ్, అడ్వకేట్ కమలాకర్, నవాబ్ భాయ్, తెలంగాణ సాయి, ఇబ్రహీం ఖాన్‌తో పాటు స్థానిక బీఆర్ఎస్ నాయకులు, కార్యకర్తలు, తదితరులు పాల్గొన్నారు.