telangana
వీసీపై లైంగిక వేధింపుల ఆరోపణలు.. పోలీసుల భారీ మోహరింపు
హైదరాబాద్: రాజేంద్రనగర్‌లోని ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వవిద్యాలయంలో (PJTSAU) తీవ్ర ఉద్రిక్త వాతావరణం నెలకొంది. యూనివర్సిటీ వైస్ ఛాన్సలర్ (VC) ప్రొఫెసర్ అల్దాస్ జానయ్యపై ఒక మహిళా అసిస్టెంట్ ప్రొఫెసర్ లైంగిక వేధింపుల ఆరోపణలు చేస్తూ రాజేంద్రనగర్ పోలీస్ స్టేషన్‌లో ఫిర్యాదు చేయడంతో ఈ వివాదం రేగింది.
బాధితురాలికి మద్దతుగా విద్యార్థులు, వర్సిటీ ఉద్యోగి సంఘాలు విసీ ఛాంబర్ వద్ద ఆందోళనకు దిగడం, నిరసనలు వ్యక్తమవుతుండటంతో క్యాంపస్‌లో అవాంఛనీయ సంఘటనలు జరగకుండా పోలీసులు భారీగా మోహరించారు.
ఈ వేధింపుల వ్యవహారంపై తెలంగాణ రాష్ట్ర మహిళా కమిషన్ స్పందించి వీసీ జానయ్యకు నోటీసులు జారీ చేయగా, వీసీ మాత్రం తనపై వస్తున్న ఆరోపణలను ఖండించారు.
