శివాజీ విగ్రహ ఆవిష్కరణ జ్ఞాపిక అందుచేత

నెేటి దినపత్రిక సూర్య బ్యూరోరాజమహేంద్రవరంనగరంలో ఛత్రపతి శివాజీ మహారాజ్ భవ్య విగ్రహావిష్కరణ కార్యక్రమాన్ని శ్రీరామ ఉత్సవ సమితి ఆధ్వర్యంలో అత్యంత వైభవంగా నిర్వహించారు. ఈ సందర్భంగా సమితి సభ్యులు స్థానిక ఎమ్మెల్యే ఆదిరెడ్డి శ్రీనివాస్‌ తిలక్ రోడ్డులోని ఆయన కార్యాలయంలో మర్యాదపూర్వకంగా కలిసి ఛత్రపతి శివాజీ మహారాజ్ ప్రతిమను అందజేశారు. ఈ సందర్భంగా ఎమ్మెల్యే ఆదిరెడ్డి శ్రీనివాస్ మాట్లాడుతూ ఛత్రపతి శివాజీ మహారాజ్ వీరత్వం, ధైర్యసాహసాలు, దేశభక్తి, ధర్మ పరిరక్షణ కోసం చేసిన సేవలు తరతరాలకు స్ఫూర్తిదాయకమని పేర్కొన్నారు. ఆయన స్మారకంగా భవ్య విగ్రహావిష్కరణ కార్యక్రమాన్ని విజయవంతంగా నిర్వహించిన శ్రీరామ ఉత్సవ సమితి సభ్యులను ప్రత్యేకంగా అభినందించారు. ఈ కార్యక్రమంలో శ్రీరామ ఉత్సవ సమితి కార్యదర్శి యడ్లపల్లి అయ్యప్ప స్వామి, సభ్యులు తాడోజు హరి, రవిచంద్ర, కోశాధికారి సాయి తాడోజు, సత్య, ప్రదీప్ చౌహాన్, సంజయ్, వికాస్ తదితరులు పాల్గొన్నారు.