వైఎస్సార్‌సీపీ జిల్లా కార్యాలయంలో మౌలానా అబుల్ కలాం ఆజాద్ జయంతి వేడుకలు
అనంతపురం బ్యూరో మేజర్ న్యూస్ : భారత స్వాతంత్ర సమరయోధుడు, స్వతంత్ర భారతదేశపు తొలి కేంద్ర విద్యాశాఖ మంత్రి, భారతరత్న మౌలానా అబుల్ కలాం ఆజాద్ గారి 138వ జయంతిని పురస్కరించుకొని అనంతపురంలో ఘనంగా నివాళులర్పించారు.
నగరంలోని హెచ్‌ఎల్‌సీ కాలనీలో ఉన్న వైఎస్సార్ కాంగ్రెస్ పార్టీ జిల్లా కార్యాలయంలో యువజన విభాగం జిల్లా అధ్యక్షుడు సాకే చంద్రశేఖర్ నాయకత్వంలో ఆజాద్ జయంతి వేడుకలు నిర్వహించారు. ఈ సందర్భంగా కార్యాలయంలో ఏర్పాటు చేసిన మౌలానా అబుల్ కలాం ఆజాద్ చిత్రపటానికి సాకే చంద్రశేఖర్, ఇతర పార్టీ ప్రజాప్రతినిధులు మరియు నాయకులు పూలమాలలు వేసి శ్రద్ధాంజలి ఘటించారు.
దేశ విద్యా రంగానికి మరియు స్వాతంత్య్ర ఉద్యమానికి మౌలానా అబుల్ కలాం ఆజాద్ చేసిన సేవలను ఈ సందర్భంగా నాయకులు స్మరించుకున్నారు. ఈ కార్యక్రమంలో పలువురు వైఎస్సార్‌సీపీ ముఖ్య నాయకులు, కార్యకర్తలు పెద్ద సంఖ్యలో పాల్గొన్నారు.
రిపోర్టర్ : మొయినుద్దీన్ అనంతపురం బ్యూరో మేజర్ న్యూస్
