కుందుర్పి లో మేకను చంపి తిన్న చిరుతపులి.

కుందుర్పి: మండలంలోని బసాపురం గ్రామ పరిసర ప్రాంతాల్లో చిరుతపులి సంచారం కలకలం రేపుతోంది. తాజాగా భూతన్నకు చెందిన మేక పొలాల్లో మేతకు వెళ్లిన సమయంలో చిరుతపులి దాడి చేసి చంపి తినేసినట్లు స్థానికులు తెలిపారు. పొలాల్లో పనిచేస్తున్న కూలీలు ఈ ఘటనను గుర్తించారు. దీంతో రైతులు, కూలీలు తీవ్ర భయాందోళనకు గురవుతున్నారు. వ్యవసాయ పనుల నిమిత్తం పొలాలకు వెళ్లాలంటేనే భయపడుతున్నామని వారు ఆవేదన వ్యక్తం చేస్తున్నారు. అటవీశాఖ అధికారులు స్పందించి చిరుత సంచారాన్ని గుర్తించి తగిన చర్యలు తీసుకోవాలని గ్రామస్థులు కోరుతున్నారు.
కళ్యాణదుర్గం టౌన్ రిపోర్టర్ :- బోయ రంగస్వామి.