telangana
నకిలీ పత్రాలతో ICICI బ్యాంక్‌కు రూ.30 లక్షల టోకరా..
రంగారెడ్డి: జిల్లాలోని ఇబ్రహీంపట్నం ఐసీఐసీఐ (ICICI) బ్యాంక్ શાಖలో భారీ పర్సనల్ లోన్ మోసం వెలుగు చూసింది.
మోసం సాగిందిలా: ముఠా సభ్యులు బెంగళూరులోని ఒక ప్రముఖ సాఫ్ట్‌వేర్ సంస్థలో సీనియర్ కన్సల్టెంట్‌గా పనిచేస్తున్నట్లు నకిలీ ఉద్యోగ నియామక పత్రాలు, శాలరీ స్లిప్పులను సృష్టించారు. వాటితో పాటు ఫేక్ ఆధార్ కార్డులు, పాన్ కార్డులు తయారు చేసి బ్యాంక్‌లో సమర్పించారు. వీటి ఆధారంగా రూ.30 లక్షల పర్సనల్ లోన్ మంజూరు చేయించుకోవడంతో పాటు క్రెడిట్ కార్డు పొంది లక్షలాది రూపాయలు డ్రా చేశారు.
విషయం వెలుగులోకి రావడంతో రంగంలోకి దిగిన ఇబ్రహీంపట్నం పోలీసులు సమగ్ర విచారణ చేపట్టి ఈ మోసానికి పాల్పడిన ఐదుగురు నిందితులను అదుపులోకి తీసుకున్నారు. నకిలీ పత్రాల తయారీ వెనుక ఎవరి హస్తం ఉంది, బ్యాంక్ సిబ్బంది ప్రమేయం ఏమైనా ఉందా అనే కోణంలో పోలీసులు లోతుగా దర్యాప్తు చేస్తున్నారు.
