బోందిడిలో దూడలకు నట్టల మందుల నివారణ పంపిణీ

సూర్య.నేరడిగొండ : గ్రామీణ ప్రాంతాల్లో పశుసంపద ఆరోగ్య సంరక్షణే లక్ష్యంగా గురువారం బోండిడి గ్రామంలో దూడలకు నట్టల నివారణ కార్యక్రమాన్ని నిర్వహించారు. ఈ కార్యక్రమంలో గ్రామ సర్పంచ్ సునీతా రాథోడ్ పాల్గొని దూడలకు నట్టల నివారణ మందుల పంపిణీని పర్యవేక్షించారు.ఈ సందర్భంగా ఆమె మాట్లాడుతూ.. పశువులు ఆరోగ్యంగా ఉంటేనే రైతులు ఆర్థికంగా బలపడతారని, ప్రతి రైతు ఇలాంటి కార్యక్రమాలను సద్వినియోగం చేసుకోవాలని సూచించారు. పశుసంవర్ధక శాఖ సిబ్బంది రైతులకు పశువుల ఆరోగ్య సంరక్షణపై పలు సూచనలు అందించారు. ఈ కార్యక్రమంలో పశువైద్య సిబ్బంది, గ్రామ పెద్దలు, రైతులు పాల్గొన్నారు.