నీటి సంరక్షణపై దృష్టి పెట్టాలి -డి ఆర్ డి ఓ సన్యాసయ్య
మునగాల, మేజర్ న్యూస్ : నీటి సంరక్షణపై దృష్టి పెట్టాలని డి ఆర్ డి ఓ ఆర్. సన్యాసయ్య అన్నారు. గురువారం మండల కేంద్రంలోని బరకత్ గూడెం గ్రామపంచాయతీ రోడ్ ఫార్మేషన్ పనులను ఆయన సందర్శించి మాట్లాడారు ఎల్ నినో ప్రభావం వలన వర్షాలు లేవని, ప్రతి ఒక్కరూ నీటిని సంరక్షించుకోవాలని సూచించారు. ప్రతి ఇంటికి ఇంకుడు గుంతలు తీసుకోవాలని, ఫామ్ పాండ్స్ నిర్మించుకోవాలని తెలిపారు. వి బి జి రామ్ జి పథకం ద్వారా కూలీలతో రైతులకు ఉపయోగపడే అనేక పనులు ఉన్నాయని, వాటిని సద్వినియోగం చేసుకోవాలని కోరారు. నీటిని పొదుపుగా వాడాలని కూలీలకు పని ప్రదేశంలో అవగాహన కల్పించారు.
అనంతరం గ్రామ పంచాయతీ ఆవరణలో జలసిరి పనులలో భాగంగా రెయిన్ వాటర్ హార్వెస్టింగ్ స్ట్రక్చర్, కమ్యూనిటీ సోక్ పిట్ పనులను పరిశీలించారు.
ఈ కార్యక్రమంలో ఇన్చార్జి ఎంపీడీవో నరేష్, సర్పంచ్ చల్ల గురవయ్య, ఏపీవో శైలజ, ఈసీ కళ్యాణ్, ఏపీఎం కరుణాకర్, టీఏ శ్రీధర్, పీఎస్ పవన్, ఐకేపీ సీసీ, ఎఫ్ఏ సులోచన తదితరులు పాల్గొన్నారు.
