andhrapradesh

రేపు సీఐఐ సమ్మిట్‌లో పాల్గొననున్న అమిత్ షా, చంద్రబాబు, పవన్

Andhrapradesh 11 Nov 2026 87 views

విశాఖపట్నం: ఆంధ్రప్రదేశ్ ఉపముఖ్యమంత్రి పవన్ కల్యాణ్ బుధవారం మధ్యాహ్నం విశాఖపట్నం చేరుకోనున్నారు. నగరంలో ఈ నెల 12, 13 తేదీల్లో అత్యంత వైభవంగా జరగనున్న 31వ సీఐఐ (CII) భాగస్వామ్య సమ్మిట్ ప్రి-సమ్మిట్ కార్యక్రమాలు మరియు ఏర్పాట్లలో ఆయన పాల్గొననున్నారు.

రేపు (గురువారం) ప్రారంభం కానున్న ఈ అంతర్జాతీయ పారిశ్రామిక సదస్సులో కేంద్ర హోంశాఖ మంత్రి అమిత్ షా, ముఖ్యమంత్రి నారా చంద్రబాబు నాయుడులతో కలిసి డిప్యూటీ సీఎం పవన్ కల్యాణ్ పాల్గొంటారు. సుమారు 58 దేశాల ప్రతినిధులు, పారిశ్రామిక దిగ్గజాలు హాజరవుతున్న ఈ సమిట్‌లో రాష్ట్రంలో పెట్టుబడుల ఆకర్షణ, పారిశ్రామిక వృద్ధి సాధన మరియు మౌలిక వసతుల కల్పనపై ప్రధానంగా చర్చించనున్నారు. సదస్సు ప్రారంభానికి ముందే మధ్యాహ్నం విశాఖ చేరుకోనున్న ముఖ్యమంత్రి, డిప్యూటీ సీఎంలు పలువురు విదేశీ ప్రతినిధులు, సీఈఓలతో ప్రత్యేకంగా భేటీ కానున్నారు.