andhrapradesh
సాగునీటి ప్రాజెక్టులు, ఎత్తిపోతలపై ఉన్నతస్థాయి సమీక్ష
అమరావతి: రాష్ట్రంలో సాగునీటి ప్రాజెక్టుల పురోగతి మరియు ఎత్తిపోతల పథకాల నిర్వహణపై ముఖ్యమంత్రి నారా చంద్రబాబు నాయుడు సచివాలయంలో ఉన్నతస్థాయి సమీక్షా సమావేశం నిర్వహించారు. ఈ సందర్భంగా రాష్ట్రవ్యాప్తంగా ఉన్న ఎత్తిపోతల పథకాల పర్యవేక్షణ, సక్రమ నిర్వహణ బాధ్యతలను 'జలహారతి కార్పొరేషన్'కు అప్పగించాలని సీఎం ఆదేశించారు.
నీటి వనరులను సమర్థవంతంగా వినియోగించుకోవడం, నీటి పంపిణీలో పారదర్శకతను పెంచేందుకు వీలుగా 'వాటర్ రెగ్యులేటరీ కమిషన్' ఏర్పాటు చేసే అంశంపై సమగ్ర అధ్యయనం చేయాలని నిపుణులు, అధికారులను ముఖ్యమంత్రి సూచించారు.
