ఉపాధ్యాయులుగా మారిన విద్యార్థులు

మునిప‌ల్లి;ఉపాద్యాయుల దినోత్స‌వం సంద‌ర్భంగా శ‌నివారం మండ‌లంలోని లింగంప‌ల్లి  పీఎం శ్రీ తెలంగాణ గురుకుల పాఠశాల,  జూనియర్ కళాశాల (బాలుర) బాలల దినోత్సవాన్ని  ఘనంగా నిర్వహించారు. ఈ సంద‌ర్భంగా  పాఠ‌శాల‌లో  విద్యార్థులే ఉపాధ్యాయులుగా మారి తరగతి గదుల్లో  తోటి విద్యార్థుల‌కు  పాఠాలు బోధించారు. ఉపాధ్యాయుల స్థానంలో నిలబడి పాఠ్యాంశాలను వివరించడం, విద్యార్థులకు ప్రశ్నలు అడగడం, సమాధానాలు చెప్పించడం వంటి కార్యక్రమాల్లో ఉత్సాహంగా పాల్గొన్నారు.  ఈ కార్యక్రమంలో పాఠశాల , కళాశాల ప్రిన్సిపాల్‌గా ఎం. రాఘవేంద్ర, వైస్ ప్రిన్సిపాల్‌గా పి. అభిలాష్, గణిత ఉపాధ్యాయులుగా ప్రేమానందం, ఎం. సాల్మన్, కే. ప్రణీత్, డి.కే. కార్తీక్ రెడ్డి, డీఈవోగా పి. మణితేజ, ముఖ్యమంత్రిగా ఎం. శివచరణ్, పీటీ , పీడీలుగా ఎస్. ప్రవీణ్, విశ్వనాథ్ తదితర విద్యార్థులు వివిధ బాధ్యతలను చేపట్టారు.   విద్యార్థులు ఉపాధ్యాయులుగా మారి ప్ర‌తిభ గ‌న‌ప‌ర్చిన విద్యార్థుల‌ను ఉపాధ్యాయులు అభినందించారు.