ఉక్కు మహిళ ఇందిరా గాంధీ సేవలు తరతరాలకు స్ఫూర్తిదాయకం: పి. విజయా రెడ్డి
జూబ్లీహిల్స్, మేజర్ న్యూస్: భారత మాజీ ప్రధానమంత్రి, 'ఉక్కు మహిళ' ఇందిరా గాంధీ జయంతి సందర్భంగా రాజ్భవన్ హైస్కూల్లో ఘనంగా నివాళులర్పించారు. ఈ సందర్భంగా పాఠశాల చిన్నారులతో కలిసి కేక్ కట్ చేసి, వారితో ఆనందాన్ని పంచుకున్నారు. ఈ కార్యక్రమంలో ఖైరతాబాద్ నియోజకవర్గ కంటెస్టెడ్ ఎమ్మెల్యే అభ్యర్థి, ఇన్చార్జ్ పి. విజయా రెడ్డి పాల్గొని ఇందిరా గాంధీ చిత్రపటానికి పూలమాల వేసి నివాళులు అర్పించారు. అనంతరం ఆమె మాట్లాడుతూ.. దేశ ప్రగతి కోసం, పేదల అభ్యున్నతి కోసం ఇందిరా గాంధీ చేసిన సేవలు, ఆమె త్యాగం, ధైర్యసాహసాలు నేటి తరానికి ఎల్లప్పుడూ స్ఫూర్తిగా నిలవాలని ఆకాంక్షించారు. ఇందిరమ్మ ఆశయాలు చిరస్మరణీయమని, దేశానికి ఆమె అందించిన సేవలు తరతరాలకు స్ఫూర్తిదాయకమని శ్రీమతి పి. విజయా రెడ్డి పేర్కొన్నారు. ఈ కార్యక్రమంలో పాఠశాల విద్యార్థులు, ఉపాధ్యాయులు, స్థానిక నాయకులు, కార్యకర్తలు పాల్గొన్నారు.