కర్మన్ ఘాట్, మేజర్ న్యూస్ : కార్తీక పౌర్ణమి సందర్భంగా ఈ నెల 24న మంగళవారం కర్మన్ఘాట్ ధ్యానాంజనేయ స్వామి దేవాలయంలో నిర్వహించనున్న ప్రత్యేక పూజా కార్యక్రమాలకు హాజరుకావాలని దేవాదాయ శాఖ ముఖ్య కార్యదర్శి శైలజ రామయ్యర్, దేవాదాయ శాఖ కమిషనర్ హనుమంతరావును ఆలయ కార్యనిర్వహణాధికారిణి ఎన్. లావణ్య మర్యాదపూర్వకంగా ఆహ్వానించారు. ఈ మేరకు ఇరువురు ఉన్నతాధికారులకు ఆహ్వాన పత్రికలను అందజేశారు. కార్తీక పౌర్ణమి సందర్భంగా ఆలయంలో నిర్వహించే ప్రత్యేక పూజా కార్యక్రమాలకు భక్తులు పెద్ద సంఖ్యలో హాజరై స్వామివారి ఆశీస్సులు పొందాలని ఆలయ అధికారులు కోరుతున్నారు.