telangana
సిద్ధార్థనగర్ పార్కులో అభివృద్ధి పనులు ప్రారంభం 10 రోజుల పాటు పార్కు మూసివేత
వెంగళరావునగర్, మేజర్ న్యూస్: సిద్ధార్థనగర్ పార్కులో అభివృద్ధి పనులు బుధవారం ప్రారంభమయ్యాయి. వాకింగ్ ట్రాక్ల ఆధునికీకరణ, జిమ్ పరికరాల మరమ్మతులు, నాలుగు ఇంకుడు గుంతల నిర్మాణం తదితర పనులను హైడ్రా బృందం చేపట్టింది. గతంలో పార్కు అభివృద్ధి పనులకు సహకరిస్తానని హైడ్రా కమిషనర్ ఏవీ రంగనాథ్ ఐపీఎస్ హామీ ఇచ్చిన నేపథ్యంలో ఈ పనులు ప్రారంభమయ్యాయి. పనులు పూర్తయ్యేందుకు సుమారు పది రోజుల సమయం పట్టనున్నందున నవంబర్ 18 నుంచి పార్కును తాత్కాలికంగా మూసివేస్తున్నట్లు సిద్ధార్థనగర్ వెల్ఫేర్ అసోసియేషన్ ప్రకటించింది. కాలనీవాసులు, వాకర్స్ ఈ విషయాన్ని గమనించి సహకరించాలని కోరింది