నూతన చేయుత పెన్షన్లను అందజేసిన రాష్ట్ర ప్రభుత్వ ముఖ్య సలహాదారులు, బోధన్ ఎమ్మెల్యే సుదర్శన్ రెడ్డి
సూర్య రెంజల్ : మండలంలో నూతనంగా మంజూరు అయిన చేయుత పెన్షన్లను, ఇందిరమ్మ ఇండ్ల పత్రాలను లబ్ధిదారులకు రాష్ట్ర ప్రభుత్వ ముఖ్య సలహాదారులు, బోధన్ ఎమ్మెల్యే పొదుటూరి సుదర్శన్ రెడ్డి అందజేశారు. రెంజల్ మండల కేంద్రంలో పరిషత్ కార్యాలయ ఆవరణలో నూతన చేయూత పింఛన్ల పంపిణీ కార్యక్రమాన్ని ప్రారంభించి లబ్ధిదారులకు అందజేశారు. రాష్ట్రంలో కుల మతాలకు అతీతంగా అభివృద్ధి పథంలో నడిపిస్తున్న ఘనత కాంగ్రెస్ ప్రభుత్వం యొక్క లక్ష్మమన్నారు. రాబోయే రోజుల్లో త్రాగునీటి ఇబ్బంది కాకుండా జాగ్రత్తలు చేపట్టాలని ప్రజలకు తెలిపారు. ఈ కార్యక్రమంలో ఉర్దూ అకాడమిక్ చైర్మన్ తాహెర్బిన్, మండల ప్రత్యేక అధికారి ప్రవీణ్, ఎంపీడీవో కమలాకర్, కాంగ్రెస్ మండల అధ్యక్షుడు మోబిన్ ఖాన్, జిల్లా కాంగ్రెస్ అధ్యక్షురాలు రజిత యాదవ్, సొసైటీ చైర్మన్లు, సర్పంచులు, డైరెక్టర్లు, కాంగ్రెస్ నాయకులు, కార్యకర్తలు, లబ్ధిదారులు తదితరులు పాల్గొన్నారు.