పాలసీదారుడి జన్మదినాన్ని సేవా వేడుకగా మార్చిన ఎల్ఐసీ సలహాదారు కౌటికె విఠల్
హైదరాబాద్, మేజర్ న్యూస్ ప్రతినిధి : వ్యాపార సంబంధాలకు మానవీయ విలువలు జోడిస్తూ ఎల్ఐసీ జీవిత బీమా సలహాదారు కౌటికె విఠల్ ఆదర్శంగా నిలిచారు. తన పాలసీదారుడు, సీల్వెల్ కార్పొరేషన్ చైర్మన్, ఎండీ బండారు సుబ్బారావు జన్మదినాన్ని పురస్కరించుకుని బసవతారకం క్యాన్సర్ ఆసుపత్రి వద్ద సుమారు వెయ్యి మందికి అన్నదానం నిర్వహించారు. సాధారణంగా జన్మదిన వేడుకలను కుటుంబ సభ్యులు, స్నేహితుల మధ్య జరుపుకోవడం ఆనవాయితీ. అందుకు భిన్నంగా ఓ పాలసీదారుడి పుట్టినరోజును నిరుపేదల ఆకలి తీర్చే కార్యక్రమంగా నిర్వహించడం ప్రత్యేక ఆకర్షణగా నిలిచింది. ఆసుపత్రికి వచ్చిన రోగుల సహాయకులు, పేదలకు నిర్వాహకులు స్వయంగా భోజనాలు వడ్డించారు.