ఉచిత మెగా హెల్త్ క్యాంప్ ఏర్పాటు చేయడం అభినందనీయం

ఎమ్మెల్యే కసిరెడ్డి నారాయణరెడ్డి 

ఆమనగల్లు రంగారెడ్డి: 

మున్సిపల్ సిబ్బంది, పారిశుద్ధ్య కార్మికుల కుటుంబాలకు ఉచిత మెగా హెల్త్ క్యాంప్ ఏర్పాటు చేయడం అభినందనీయమని,వైద్య శిబిరాలను ప్రజలు, మున్సిపల్ సిబ్బంది, పారిశుద్ధ్య కార్మికులు సద్వినియోగంచేసుకోవాలని ఎమ్మెల్యే కసిరెడ్డి నారాయణరెడ్డి చెప్పారు. బుధవారం పట్టణంలోని మున్సిపల్ కార్యాలయం ఆవరణలో ఆమనగల్లులైన్స్ క్లబ్, యశోద హాస్పిటల్ సంయుక్త ఆధ్వర్యంలో ఏర్పాటుచేసిన ఉచిత మెగా హెల్త్ క్యాంపు ను మున్సిపల్ చైర్మన్ పత్యానాయక్, కౌన్సిలర్లు, నాయకులు, లైన్స్ క్లబ్ సభ్యులతో కలిసి ఎమ్మెల్యేప్రారంభించారు.శిబిరంలో వైద్యులు మున్సిపల్ సిబ్బంది, పారిశుద్ధ్య కార్మికుల కుటుంబ సభ్యులు, ప్రజలకువైద్య పరీక్షలు నిర్వహించి ప్రజలకు మెరుగైన ఆరోగ్యం పై అవగాహన కల్పించి, ఆరోగ్యకర మైన జీవన శైలిపై సూచనలు సలహాలు అందజేశారు.అనంతరం ఎమ్మెల్యే మాట్లాడుతూ ప్రజల ఆరోగ్య పరిరక్షణ కోసంస్వచ్ఛంద సంస్థలు, ప్రభుత్వ, ప్రైవేటు ఆసుపత్రుల ఆధ్వర్యంలో నిర్వహించే ఉచిత వైద్య శిబిరాలనుప్రజలుసద్వినియోగం చేసుకోవాలని సూచించారు. పారిశుద్ధ్య కార్మికులు, మున్సిపల్ సిబ్బంది ఆరోగ్య పరిరక్షణ కోసంఉచిత మెగా హెల్త్ క్యాంప్ ఏర్పాటు చేయడంఅభినందనీయమని నిర్వాహకులను కొనియాడారు.కార్యక్రమంలో కౌన్సిలర్లు పాపిశెట్టి రాము, వెంకటయ్య,దోలి, అనిత శ్రీనివాస్ రెడ్డి, జగన్, మున్సిపల్ కమిషనర్ రాఘవేందర్ రెడ్డి, కో ఆప్షన్ సభ్యులు అల్లాజిగౌడ్ , ఖాదర్ పాష, లైన్స్ క్లబ్ సభ్యులు, వైద్యుడు శ్రీధర్ రెడ్డి, మున్సిపల్ సిబ్బంది, వైద్యులు, వైద్య సిబ్బంది తదితరులుపాల్గొన్నారు.

ఎ. చంద్రశేఖర్, మేజర్ న్యూస్.