ఉచిత కంటి వైద్య శిబిరాన్ని సద్వినియోగం చేసుకోవాలి:కాంగ్రెస్ పార్టీ మండల కార్యవర్గ సభ్యులు ఆనగంటి కృష్ణ
ఉచిత కంటి వైద్య శిబిరాన్ని సద్వినియోగం చేసుకోవాలి:కాంగ్రెస్ పార్టీ మండల కార్యవర్గ సభ్యులు ఆనగంటి కృష్ణ
????నవంబర్ 1న కోమటిరెడ్డి సుశీలమ్మ ఫౌండేషన్ ఆధ్వర్యంలో ఉచిత కంటి వైద్య శిబిరం
మునుగోడు,మేజర్ న్యూస్:
మునుగోడు మండల ప్రజలకు మెరుగైన కంటి వైద్య సేవలు అందించాలనే లక్ష్యంతో కోమటిరెడ్డి సుశీలమ్మ ఫౌండేషన్ ఆధ్వర్యంలో నవంబర్ 1, ఆదివారం మండల కేంద్రంలోని ఎమ్మెల్యే క్యాంపు కార్యాలయంలో ఉచిత కంటి వైద్య శిబిరాన్ని నిర్వహిస్తున్నట్లు పలివెల కాంగ్రెస్ పార్టీ గ్రామ శాఖ అధ్యక్షులు మరియు మండల కార్యవర్గ సభ్యులు ఆనగంటి కృష్ణ ఆదివారం ఒక ప్రకటనలో తెలిపారు.మునుగోడు మండలంలోని అన్ని గ్రామాల ప్రజలు ఈ అవకాశాన్ని సద్వినియోగం చేసుకోవాలని ఆయన కోరారు. ఉదయం 9 గంటల నుంచి ఈ శిబిరం ప్రారంభమవుతుందని వెల్లడించారు.50 సంవత్సరాల వయస్సు పైబడిన వారు తప్పనిసరిగా తమ ఆధార్ కార్డుతో పాటు ఫోన్ నంబర్, గతంలో ఉపయోగించిన మందులను వెంట తీసుకురావాలని సూచించారు. శిబిరంలో కంటి పరీక్షలు నిర్వహించి, అవసరమైన వారికి వైద్యుల సూచనల మేరకు తగిన చికిత్స అందించనున్నట్లు తెలిపారు.కంటి శుక్లాల సమస్యతో బాధపడుతూ ఆపరేషన్ అవసరమైన వారిని గుర్తించి, హైదరాబాద్‌కు తీసుకెళ్లి శస్త్రచికిత్స చేయించి తిరిగి తీసుకొచ్చే ఏర్పాట్లు చేస్తున్నట్లు పేర్కొన్నారు.
కంటి చూపు సమస్యలను నిర్లక్ష్యం చేయకుండా ముందుగానే పరీక్షలు చేయించుకోవాలని ఆయన విజ్ఞప్తి చేశారు.
