రేణిగుంట సమీపంలో రైల్వే ట్రాక్ పక్కన గుర్తుతెలియని మృతదేహం

రేణిగుంట మేజర్ న్యూస్: తిరుపతి జిల్లా రేణిగుంట సమీపంలోని పూడి–రేణిగుంట రైల్వే స్టేషన్ల మధ్య ఆదివారం గుర్తుతెలియని వ్యక్తి మృతదేహం లభ్యమైంది. రైల్వే ట్రాక్‌ పక్కన కిలోమీటర్‌ నంబర్‌ 132/4-6 వద్ద మృతదేహాన్ని గుర్తించినట్లు సమాచారం. మృతుడి వయస్సు సుమారు 60 ఏళ్లు ఉంటుందని, రైలు నుంచి జారిపడి లేదా ప్రమాదానికి గురై మృతి చెంది ఉండవచ్చని ప్రాథమికంగా భావిస్తున్నారు. మృతుడి తల, కుడిచేయి, ఎడమ మణికట్టు, కుడి చీలమండ వద్ద తీవ్ర గాయాలు ఉన్నట్లు గుర్తించారు. మృతుడు నీలం రంగు ఫుల్‌హ్యాండ్‌ షర్టు, నీలం రంగు లోదుస్తులు, ఆరెంజ్‌ రంగు పంచె ధరించి ఉన్నాడు. మృతుడి వివరాలు తెలిసినవారు లేదా కుటుంబ సభ్యులు రైల్వే జీఆర్పీ పోలీసులును సంప్రదించాలని అధికారులు కోరారు.