అభివృద్ధి కోసం.. కూటమికి పురపాలన అందించండి.. ఎమ్మెల్యే బీవీ జయ నాగేశ్వర్ రెడ్డి

 ఎమ్మిగనూరు సూర్య ప్రతినిధి ;పట్టణ ప్రజలందరూ ఆలోచించి అభివృద్ధి కోసం పురపాలనలో కూటమి పాలకులను ఎన్నుకొని ఓటు వేయాలని ఎమ్మిగనూరు ఎమ్మెల్యే బీవీ జయ నాగేశ్వర్ రెడ్డి పిలుపునిచ్చారు. ఆదివారం ఆయన మున్సిపల్ ఎన్నికల ప్రచారంలో భాగంగా పట్టణంలోని 12 13 14 15 16 17 వార్డులలో విస్తృతంగా పర్యటించారు. కూటమి తరపున నిలబడిన అభ్యర్థుల గెలుపు కోసం ముమ్మర ప్రచారం చేశారు. గత ఐదేళ్ల పాలనలో కొంటుబడిన అభివృద్ధిని పరుగులు పెట్టించాలంటే కూటమి అభ్యర్థుల గెలుపు కచ్చితంగా ఉండాలని ప్రతి ఓటరు తమ అమూల్యమైన ఓటును కూటమి అభ్యర్థుల గుర్తులకు వేయాలన్నారు. ఎమ్మిగనూరులో తన తండ్రి  బీవీ మోహన్ రెడ్డి ఆశయ సాధన కోసం తన పాలన కొనసాగిస్తున్నానన్నారు. రాబోయే రోజుల్లో ఎమ్మిగనూరు పట్టణానికి కాకుండా నియోజకవర్గం అంతట అభివృద్ధి, సంక్షేమంతో దూసుకుపోవడం జరుగుతుందన్నారు. పట్టణంలో ఉన్న సమస్యలన్నింటికీ పరిష్కారం మార్గం చూపుతామన్నారు. రోడ్లు, మురుగు కాలువల నిర్మాణం  తోపాటు తాగునీటి సమస్య పరిష్కారానికి చర్యలు చేపట్టడం జరిగింది అన్నారు మన చైర్మన్ అభ్యర్థి మాచాని సునీత భారీ మెజార్టీతో గెలిపించాలన్నారు. అలాగే కౌన్సిల్ సభ్యులను కూడా గెలిపించి మున్సిపల్ కు పంపాలన్నారు. ఈ కార్యక్రమంలో పట్టణ టిడిపి అధ్యక్షులు మాచాని మహేష్ తోపాటు కౌన్సిల్ అభ్యర్థులు, టిడిపి నాయకులు కార్యకర్తలు జనసేన నాయకులు బిజెపి నాయకులు పాల్గొన్నారు.
రాజా శరత్ కుమార్,
సూర్య ప్రతినిధి, ఎమ్మిగనూరు కర్నూలు జిల్లా