కూటమి అభ్యర్థుల విజయానికి సమష్టిగా పనిచేయాలి.. టి సి వరుణ్.. పాతూరులో ఆర్యవైశ్య సంఘం ఆధ్వర్యంలో ఆత్మీయ సమావేశం

అనంతపురం ప్రతినిధి మేజర్ న్యూస్ :- పాతూరులోని ఆర్యవైశ్య అమ్మవారి శాలలో జనసేన–తెలుగుదేశం–బీజేపీ కూటమి ఆధ్వర్యంలో ఆత్మీయ సమావేశం నిర్వహించారు. ఈ సమావేశంలో పరిశ్రమల శాఖ మంత్రి డి.జి.భరత్, మంత్రి సత్యకుమార్ యాదవ్, ఎమ్మెల్యే దగ్గుపాటి వెంకటేశ్వర ప్రసాద్, జనసేన జిల్లా అధ్యక్షుడు, అహుడ చైర్మన్ టి.సి.వరుణ్, కూటమి మేయర్ అభ్యర్థి అజేష్ యాదవ్, ఆర్యవైశ్య సంఘం నాయకులు లక్ష్మయ్య, జిల్లా అధ్యక్షుడు రంగయ్య తదితర ప్రముఖులు పాల్గొన్నారు.ఈ సందర్భంగా నాయకులు మాట్లాడుతూ మున్సిపల్ ఎన్నికల్లో 62 డివిజన్లలో కూటమి అభ్యర్థుల విజయానికి సమష్టిగా కృషి చేయాలని పిలుపునిచ్చారు. కూటమి పార్టీల నాయకులు, కార్యకర్తలు సమన్వయంతో పనిచేస్తూ అభ్యర్థుల గెలుపునకు కృషి చేయాలని టి.సి.వరుణ్ కోరారు. అనంతసాగరం సుందరీకరణకు సంబంధించి టి.సి.వరుణ్ విజన్ ను మంత్రి సత్యకుమార్ యాదవ్ ప్రశంసించారు. కూటమి అభ్యర్థుల విజయమే లక్ష్యంగా అందరూ ఐక్యంగా ముందుకు సాగాలని నాయకులు ప్రతినబూనారు.

 మల్లికార్జున నేటి దినపత్రిక సూర్య స్టాఫ్ రిపోర్టర్