టీఎం కేంద్రాలే లక్ష్యంగా వరుస మోసాలు.. అంతర్జిల్లా నిందితుడి అరెస్ట్
సూర్యరాజంపేట : ఏటీఎం కేంద్రాలకు వచ్చే అమాయక ప్రజలను లక్ష్యంగా చేసుకొని, వారి ఏటీఎం కార్డులు మార్చి, పిన్ నంబర్లు తెలుసుకొని బ్యాంకు ఖాతాల్లోని నగదును అపహరిస్తున్న అంతర్జిల్లా నిందితుడిని కామారెడ్డి జిల్లా పోలీసులు అరెస్టు చేశారు. కామారెడ్డి, నిజామాబాద్, మెదక్, సంగారెడ్డి జిల్లాల్లో పలు ఏటీఎం మోసాలు, దొంగతనాలకు పాల్పడినట్లు పోలీసుల విచారణలో వెల్లడైంది. నిందితుడి నుంచి రూ.5,860 నగదు, ఆరు ఎస్బీఐ ఏటీఎం కార్డులు, నలుపు రంగు మాస్క్, దొంగిలించిన హీరో గ్లామర్ ద్విచక్ర వాహనాన్ని పోలీసులు స్వాధీనం చేసుకున్నారు.