ద్విచక్ర వాహనాలేనా.. అన్ని వాహనాలపై నిఘా ఏదీ? భారీ వాహనాలు, మట్టి టిప్పర్లు, స్కూల్ బస్సులపైనా స్పెషల్ డ్రైవ్ నిర్వహించాలి
సంగారెడ్డి ; పోలీసులు నిత్యం ద్విచక్ర వాహనాలను తనిఖీ చేస్తున్నప్పటికీ, అధిక లోడుతో వేగంగా ప్రయాణిస్తున్న టిప్పర్లు, లారీలు, ఇసుక, కంకర, మట్టి రవాణా వాహనాలపైనా ప్రత్యేక నిఘా పెట్టాలని ప్రజలు కోరుతున్నారు. రాత్రివేళల్లో నిబంధనలకు విరుద్ధంగా తిరుగుతున్న భారీ వాహనాలను తనిఖీ చేయాలని విజ్ఞప్తి చేస్తున్నారు.ప్రైవేట్ పాఠశాలల బస్సుల్లో పరిమితికి మించి విద్యార్థులను తరలించడం, ఫిట్నెస్, పర్మిట్ లేని వాహనాల రాకపోకలపై ప్రత్యేక తనిఖీలు చేపట్టాలని కోరుతున్నారు. వాహనాల ధ్రువపత్రాలు, డ్రైవర్లు మద్యం సేవించి వాహనాలు నడుపుతున్నారా అనే అంశాలను పరిశీలించాలని సూచిస్తున్నారు.కేవలం ద్విచక్ర వాహనాలకే పరిమితం కాకుండా అన్ని రకాల వాహనాలపై స్పెషల్ డ్రైవ్ నిర్వహించి, నిబంధనలు ఉల్లంఘించే వారిపై చర్యలు తీసుకోవాలని ప్రజలు కోరుతున్నారు.