విద్యార్థులు నాయకత్వ లక్షణాలు అలవర్చుకోవాలి
రామాయంపేట : విద్యార్థి దశ నుంచే సామాజిక బాధ్యత, నాయకత్వ లక్షణాలు, క్రమశిక్షణను అలవర్చుకొని భవిష్యత్తులో ఉన్నత స్థానాలకు చేరుకోవాలని రామాయంపేట తహసీల్దార్ రజనీకుమారి సూచించారు. శనివారం మండల కేంద్రంలోని తెలంగాణ సాంఘిక సంక్షేమ గురుకుల బాలికల జూనియర్ కళాశాల (టీజీఎస్డబ్ల్యూఆర్ఎస్ జేసీ)లో నిర్వహించిన కార్యక్రమానికి ఆమె ముఖ్య అతిథిగా హాజరయ్యారు.
ఈ సందర్భంగా విద్యార్థినులకు భవిష్యత్తుపై దిశానిర్దేశం చేశారు. చదువుతో పాటు సమాజం పట్ల బాధ్యత కలిగి ఉండాలని, ప్రతి విద్యార్థినీ ఆత్మవిశ్వాసంతో ముందుకు సాగాలని సూచించారు. నాయకత్వ లక్షణాలను పెంపొందించుకోవడంతో పాటు క్రమశిక్షణ, పట్టుదల, సమయపాలనకు ప్రాధాన్యత ఇవ్వాలని తెలిపారు. విద్యార్థి దశలో అలవర్చుకున్న మంచి లక్షణాలే భవిష్యత్తులో విజయానికి పునాదులుగా నిలుస్తాయని పేర్కొన్నారు. ఉన్నత లక్ష్యాలను నిర్దేశించుకొని వాటి సాధనకు నిరంతరం కృషి చేయాలని విద్యార్థినులకు సూచించారు. ఈ కార్యక్రమంలో కళాశాల ప్రిన్సిపాల్ తో పాటు అధ్యాపకులు విద్యార్థులు పాల్గొన్నారు