సూర్య కరీంనగర్ : కరీంనగర్లోని అద్విత ఇంటర్నేషనల్ స్కూల్ విద్యార్థులు టాటా బిల్డింగ్ ఇండియా స్కూల్ ఎస్సే కాంపిటీషన్ – 2026లో అద్భుత ప్రతిభ కనబరిచి, సీనియర్, మిడిల్ స్కూల్ విభాగాల్లోని ఆరు అగ్రస్థానాలను కైవసం చేసుకుని గోల్డ్, సిల్వర్, బ్రాంజ్ మెడల్స్ సాధించడం పాఠశాలకు గర్వకారణంగా నిలిచింది.“2047 నాటికి భారతదేశాన్ని ప్రపంచంలోనే అత్యంత అభివృద్ధి చెందిన దేశంగా తీర్చిదిద్దేందుకు నేను చేయబోయే ఐదు పనులు” అనే స్ఫూర్తిదాయక అంశంపై ఈ పోటీ నిర్వహించబడింది. ఇది ‘వికసిత్ భారత్ 2047’ జాతీయ దార్శనికతకు అనుగుణంగా సాగింది. యువ పౌరులుగా తమ బాధ్యతలను గుర్తించి, దేశ భవిష్యత్తు అభివృద్ధికి తమ వంతు కృషిపై ఆలోచనలను వ్యక్తపరిచేలా విద్యార్థులను ప్రోత్సహించింది.సీనియర్ స్కూల్ విభాగంలో వై. విశ్వక్ సేన్ (గ్రేడ్ 10) ఫస్ట్ ప్లేస్, వి. శ్రేయస్ (గ్రేడ్ 9) సెకండ్ ప్లేస్, ఛ. విద్యా దీప్తి (గ్రేడ్ 9) థర్డ్ ప్లేస్ సాధించారు. మిడిల్ స్కూల్ విభాగంలో ఎం. రిషిక (గ్రేడ్ 6) ఫస్ట్ ప్లేస్, ఈ. సహస్ర (గ్రేడ్ 8) సెకండ్ ప్లేస్, టి. హృతిక (గ్రేడ్ 7) థర్డ్ ప్లేస్ సాధించారు.ఈ విజయానికి మార్గదర్శకత్వం వహించిన ఇంగ్లీష్ ఫెసిలిటేటర్స్ ఆర్య,నమీరాలకు పాఠశాల ప్రత్యేక అభినందనలు తెలియజేసింది.డైరెక్టర్ అనుదీప్ సౌగాని విద్యార్థులను, ఫెసిలిటేటర్లను అభినందిస్తూ, ఆత్మవిశ్వాసం, బాధ్యతాయుతమైన ఆలోచనలు, దూరదృష్టి కలిగిన యువ పౌరులను తీర్చిదిద్దాలనే తన విద్యా దార్శనికతను పునరుద్ఘాటించారు. ప్రిన్సిపాల్,వైస్ ప్రిన్సిపాల్ విద్యార్థుల విజయంపై హర్షం వ్యక్తం చేస్తూ, అభివృద్ధి చెందిన భారతదేశం అనే కల మన యువత ఆలోచనలు, విలువలు, కార్యాచరణతోనే సాకారమవుతుందని పేర్కొన్నారు.