సీతారామ భద్రాక్షేత్ర నిర్మాణానికి భక్తుల విరాళం
సూర్య- బిక్కనూర్ మండలంలోని రామేశ్వర్ పల్లి గ్రామంలో నూతనంగా నిర్మిస్తున్న సీతారామ భద్ర క్షేత్ర నిర్మాణానికి గ్రామానికి చెందిన కొప్పుల రమేష్ సిద్ధవ్వ కుటుంబ సభ్యులు ఆదివారం 25 వేల 116 రూపాయల విరాళాన్ని ఆలయ కమిటీ సభ్యులకు అందజేశారు. ఈ సందర్భంగా వారు మాట్లాడుతూ గ్రామంలో ప్రతిష్టాత్మకంగా నిర్మిస్తున్న సీతారాముల ఆలయ నిర్మాణంలో తమ వంతుగా భాగస్వామ్యం కావడం తమ అదృష్టం అన్నారు. ఈ కార్యక్రమంలో గ్రామాభివృద్ధి కమిటీ అధ్యక్షుడు మద్ది సూర్యకాంత్ రెడ్డి, మాజీ అధ్యక్షుడు తక్కల్ల నర్సారెడ్డి, ఆలయ కమిటీ సభ్యులు సందుగారి రవీందర్ రెడ్డి, ఏలేటి యాదిరెడ్డి, ఆలయ కమిటీ సభ్యులు ఉన్నారు