telangana
మెండోరా మండల అభివృద్ధికి రూ.2.85 కోట్ల నిధులు మంజూరు
సూర్య బాల్కొండ మెండోరా ప్రభుత్వ పాఠశాలల్లో విద్యార్థులకు మెరుగైన విద్యా వసతులు కల్పించేందుకు పలు పాఠశాలల్లో అదనపు గదుల నిర్మాణానికి నిధులు కేటాయించారు. జడ్పీహెచ్ఎస్ మెండోరాకు ఐదు గదుల నిర్మాణం కోసం రూ.75 లక్షలు, జడ్పీహెచ్ఎస్ ఎస్సారెస్పీకి మూడు గదుల కోసం రూ.45 లక్షలు, ఎంపీపీఎస్ ఎస్సారెస్పీకి రెండు గదుల కోసం రూ.30 లక్షలు, ఎంపీపీఎస్ ఎస్సారెస్పీ ఉర్దూ మీడియంకు రూ.15 లక్షలు, ఎంపీయూపీఎస్ చాకిర్యాల్కు రూ.15 లక్షలు, ఎంపీపీఎస్ కోడిచర్లకు రూ.15 లక్షలు మంజూరయ్యాయి.మొత్తంగా రూ.2.85 కోట్ల నిధులు మంజూరు కావడంతో మండలంలోని గ్రామాల్లో మౌలిక సదుపాయాలు మెరుగుపడటంతో పాటు ప్రభుత్వ పాఠశాలల్లో విద్యార్థులకు అదనపు తరగతి గదులు అందుబాటులోకి రానున్నాయి. ఈ నిధుల మంజూరుపై మండల ప్రజలు, విద్యార్థులు, గ్రామస్థులు హర్షం వ్యక్తం చేస్తున్నారు.ఈ అభివృద్ధి నిధుల మంజూరుకు ప్రత్యేక చొరవ చూపిన జిల్లా ఇన్చార్జి మంత్రి దనసరి అనసూయ సీతక్కకు, సహకరించిన బాల్కొండ నియోజకవర్గ కాంగ్రెస్ పార్టీ ఇన్చార్జి ముత్యాల సునీల్ కుమార్కు మెండోరా మండల ప్రజల తరఫున ప్రత్యేక కృతజ్ఞతలు తెలియజేస్తున్నట్లు మండల కాంగ్రెస్ పార్టీ అధ్యక్షుడు బడాల సాయిరెడ్డి పేర్కొన్నారు.