సైబర్ క్రైమ్ పై విద్యార్థులకు అవగాహన

మంగపేట ప్రతినిధి, ములుగు జిల్లా కమలాపురంలోని ఆదర్శ పాఠశాలలో సైబర్ క్రైమ్ పై విద్యార్థులకు ఎస్ ఐ టి వి ఆర్ సూరి ఆధ్వర్యంలో అవగాహన కార్యక్రమం నిర్వహించారు. ఈ కార్యక్రమానికి ఏటూరునాగారం ఏఎస్పీ మనన్ భట్  ముఖ్య అతిథిగా హాజరై విద్యార్థులకు సైబర్ నేరాల పట్ల అవగాహన కల్పించారు. తెలియని యాప్స్ డౌన్ లోడ్ చేయడం వల్ల, కొత్త లింకులు క్లిక్ చేయడం వల్ల జరిగే నష్టాల గురించి వివరించారు. సోషల్ మీడియా వాడకంలో జాగ్రత్తలు, మోసపూరిత కాల్స్ పట్ల అప్రమత్తంగా ఉండాలని సూచించారు. ఈ కార్యక్రమంలో మంగపేట ఎస్ఐ టీవీఆర్ సూరి, ఆదర్శ పాఠశాల ప్రిన్సిపాల్, ఉపాధ్యాయులు, విద్యార్థులు పాల్గొన్నారు.