ఖమ్మంలో జమ్మిబండపై ప్రత్యక్షమైన స్తంభాద్రి లక్ష్మీనరసింహస్వామిని దర్శించుకున్న జిల్లా కలెక్టర్

సూర్య ఖమ్మం,ఖమ్మం నగరంలో విజయదశమి పర్వదినాన్ని పురస్కరించుకుని పారువేటగా జమ్మిబండపై ప్రత్యక్షమయ్యే శ్రీ స్తంభాద్రి లక్ష్మీనరసింహస్వామిని జిల్లా కలెక్టర్ దివాకర టి.ఎస్ దంపతులు మంగళవారం రాత్రి దర్శించుకున్నారు.

ప్రతి ఏటా విజయదశమి రోజున మాత్రమే ఖమ్మం జమ్మిబండపై స్వామివారు పారువేటగా భక్తులకు దర్శనం ఇవ్వడం ఆనవాయితీ. ఈ సందర్భంగా కలెక్టర్ దంపతులు స్వామివారికి ప్రత్యేక పూజలు నిర్వహించి మొక్కులు చెల్లించుకున్నారు.

అనంతరం కలెక్టర్ కుటుంబ సమేతంగా దుర్గా అమ్మవారిని దర్శించుకుని ప్రత్యేక పూజలు నిర్వహించారు. జిల్లా ప్రజలంతా సుఖసంతోషాలతో, ఆయురారోగ్యాలతో ఉండాలని ఆకాంక్షించారు.

ఉమ్మడి ఖమ్మం జిల్లా బ్యూరో చీఫ్ పసుపులేటి సత్యనారాయణ