మెట్లకుంటలో దుర్గామాత చీర రూ.30 వేలకు వేలం.. దక్కించుకున్న చౌదర్పల్లి గోపాల్–అనిత దంపతులు

బొంరాస్‌పేట్, మేజర్ న్యూస్ : బొంరాస్‌పేట్ మండలం మెట్లకుంట గ్రామంలో దుర్గామాత నవరాత్రి ఉత్సవాలు భక్తిశ్రద్ధలతో ఘనంగా నిర్వహించారు. నవరాత్రుల తొమ్మిదో రోజు మహిషాసుర మర్దిని అవతారంలో అమ్మవారిని ప్రత్యేకంగా అలంకరించి భక్తులు విశేష పూజలు నిర్వహించారు. తొమ్మిది రోజుల పాటు నిత్య పూజలతో గ్రామంలో ఆధ్యాత్మిక వాతావరణం నెలకొంది.ఉత్సవాల్లో భాగంగా అమ్మవారికి అలంకరించిన చీరను వేలం వేయగా భక్తులు పోటాపోటీగా పాల్గొన్నారు. ఈ వేలంపాటలో గ్రామానికి చెందిన చౌదర్పల్లి గోపాల్–అనిత దంపతులు అత్యధికంగా రూ.30 వేలు చెల్లించి అమ్మవారి చీరను దక్కించుకున్నారు. ఈ సందర్భంగా గోపాల్ దంపతుల కుటుంబ సభ్యులు విష్ణువర్ధన్, కృష్ణ సంతోషం వ్యక్తం చేశారు. అమ్మవారి ఆశీస్సులు తమ కుటుంబంపై ఎల్లప్పుడూ ఉండాలని ఆకాంక్షించారు. గ్రామస్తులు, భక్తులు పెద్ద సంఖ్యలో పాల్గొనడంతో నవరాత్రి ఉత్సవాలు పండుగ వాతావరణంలో కొనసాగాయి.

రిపోర్టర్: శ్రీశైలం, బొంరాస్ పేట్, వికారాబాద్ జిల్లా.