సార్లరావుపల్లిలో ఆంజనేయస్వామి, గణపతి విగ్రహ ప్రతిష్ఠా మహోత్సవాలు భక్తులు అధిక సంఖ్యలో పాల్గొనాలి సర్పంచ్ శ్రీను నాయక్

సార్లరావుపల్లిలో ఆంజనేయస్వామి, గణపతి విగ్రహ ప్రతిష్ఠా మహోత్సవాలు

భక్తులు అధిక సంఖ్యలో పాల్గొనాలి సర్పంచ్ శ్రీను నాయక్

నాలుగు రోజుల పాటు ఆధ్యాత్మిక కార్యక్రమాలు

కందుకూరు: మండల పరిధిలోని సార్లరావుపల్లి గ్రామపంచాయతీ గొట్టలగడ్డ గ్రామంలో శ్రీశ్రీశ్రీ ఆంజనేయస్వామి దేవస్థానంలో గణపతి, శిఖరం, ధ్వజస్తంభం, ఆంజనేయస్వామి విగ్రహ ప్రతిష్ఠా మహోత్సవాలకు ఏర్పాట్లు పూర్తయ్యాయని సర్పంచ్ విస్లావత్ శ్రీను నాయక్ తెలిపారు. నవంబర్ 2 నుంచి 5వ తేదీ వరకు నాలుగు రోజుల పాటు చండీ ఉపాసకులు రేవల్లి రాజు శర్మ ఆధ్వర్యంలో ప్రత్యేక పూజలు, హోమాలు, ఇతర ఆధ్యాత్మిక కార్యక్రమాలు నిర్వహించనున్నట్లు పేర్కొన్నారు. నవంబర్ 2న విగ్రహాల గ్రామోత్సవం, 5వ తేదీన విగ్రహ ప్రతిష్ఠాపన మహోత్సవం నిర్వహించనున్నట్లు తెలిపారు. ఈ వేడుకలకు గ్రామస్తులు, భక్తులు అధిక సంఖ్యలో పాల్గొని స్వామివారి కృపకు పాత్రులు కావాలని సర్పంచ్, ఆలయ నిర్వాహకులు కోరారు.

టి. శ్రీనివాస్, మేజర్ న్యూస్