రోడ్డు ప్రమాద బాధితుడిని పరామర్శించిన ఎల్లేని సుధాకర్ రావు

పెద్దకొత్తపల్లి సూర్య న్యూస్: చేపపిల్లలను తీసుకువస్తుండగా రోడ్డు ప్రమాదానికి గురై తీవ్రంగా గాయపడిన పెద్దకొత్తపల్లి మండలం కల్వకోల్ గ్రామానికి చెందిన జనుపల్లి స్వామిని బీజేపీ కొల్లాపూర్ నియోజకవర్గ ఇంచార్జ్ ఎల్లేని సుధాకర్ రావు పరామర్శించారు. హైదరాబాద్‌లోని ఓ ఆసుపత్రిలో చికిత్స పొందుతున్న స్వామిని ఈరోజు ఆయన స్వగ్రామానికి చెందిన బీజేవైఎం జిల్లా జనరల్ సెక్రెటరీ అమ్మపల్లి మల్లేష్ నాయకులు కార్యకర్తలతో కలిసి పరామర్శించి ఆరోగ్య పరిస్థితిని అడిగి తెలుసుకున్నారు.ఈ సందర్భంగా స్వామికి అందుతున్న వైద్య చికిత్స వివరాలను కుటుంబ సభ్యులను అడిగి తెలుసుకున్నారు. ప్రమాదం కారణంగా తీవ్రంగా గాయపడి ఆసుపత్రిలో చికిత్స పొందుతున్న ఆయనకు ధైర్యం చెబుతూ, త్వరగా కోలుకుని సంపూర్ణ ఆరోగ్యంతో తిరిగి రావాలని ఆకాంక్షించారు. కష్ట సమయంలో బాధితుడిని ఆత్మీయంగా పలకరించి, కుటుంబ సభ్యులకు మనోధైర్యం కల్పించారు.ఈ  కార్యక్రమంలో బీజేపీ మండల అధ్యక్షుడు దేశముని పరుశరాముడు, యువ మోర్చా జిల్లా ప్రధాన కార్యదర్శి అమ్మపల్లి మల్లేష్ తదితరులు పాల్గొన్నారు.