రైతుల సంక్షేమమే ధ్యేయం... -ఎమ్మెల్యే కవ్వంపల్లి
రైతుల సంక్షేమమే ధ్యేయం...
-ఎమ్మెల్యే కవ్వంపల్లి
-బెజ్జంకి వ్యవసాయ మార్కెట్ కమిటీ చైర్మన్,డైరెక్టర్ల ప్రమాణ స్వీకారం
బెజ్జంకి/మేజర్ న్యూస్:
రైతుల అభివృద్ధికి మెరుగైన సేవలు అందిస్తూ వారి సంక్షేమమే ధ్యేయంగా పనిచేయాలని ఎమ్మెల్యే కవ్వంపల్లి సత్యనారాయణ కోరారు.బుధవారం బెజ్జంకిలో వ్యవసాయ మార్కెట్ కమిటీ(ఏఎంసీ)నూతన పాలకవర్గం ప్రమాణ స్వీకారోత్సవానికి అయన హాజరయ్యారు.ముందుగా కార్యక్రమానికి విచ్చేసిన ఎమ్మెల్యే కవ్వంపల్లికి కేడీసీసీ బ్యాంకు చౌరస్తా వద్ద కాంగ్రెస్ శ్రేణులు,నూతన పాలకవర్గ సభ్యులు,మహిళలు ఘనస్వాగతం పలికారు.అక్కడి నుంచి భారీ ర్యాలీ మధ్య అంబేద్కర్ చౌరస్తాలో అంబేద్కర్ విగ్రహానికి,ఎడ్ల బండి చౌరస్తా వద్ద విగ్రహాలకు ఎమ్మెల్యే పూలమాలవేసి మార్కెట్ కార్యాలయానికి చేరుకున్నారు.నూతన ఏఎంసీ చైర్మన్ గా మాతంగి శిరీష,వైస్ చైర్మనుగా పర్శ సంతోష్,డైరెక్టర్లుగా జెల్ల రాజేశ్వరి,కుంట హరికృష్ణ,దేశరాజు అనిల్,నందికొండ తిరుపతి రెడ్డి,మైసంపల్లి తిరుపతి,ఇస్కిల్ల ఐలయ్య,జీల లింగం,రెడ్డి రామకృష్ణ రెడ్డి,ఎం.డి సాధిక్,ఎలకంటి శ్రీనివాస్ రెడ్డి,బోయినపల్లి కృష్ణారావు,గుండా వెంకట్ రెడ్డిలచే జిల్లా మార్కెటింగ్ అధికారి ప్రకాష్ ప్రమాణ స్వీకారం చేపించారు.ఈ సందర్బంగా నూతన పాలకవర్గానికి పలువురు ప్రజా ప్రతినిధులు,నాయకులు,కార్యకర్తలు శుభాకాంక్షలు తెలిపారు.అనంతరం ఎమ్మెల్యే కవ్వంపల్లి మాట్లాడుతూ రైతుల సంక్షేమానికి ప్రభుత్వం అనేక పథకాలు అమలు చేస్తుందన్నారు.రైతుల సంక్షేమమే లక్ష్యంగా నూతన పాలకవర్గం సమర్థంగా పనిచేయాలని ఆదేశించారు.దివంగత వైయస్సార్ రైతు పక్షపాతిగా పనిచేశారని ఆయన బాటలోనే సీఎం రేవంత్ రెడ్డి పయనిస్తున్నారని ఎమ్మెల్యే చెప్పారు.పార్టీ కోసం కష్టపడి పనిచేసిన వారికి పదవులు వరిస్తాయన్నారు.పీఏసీఎస్ చైర్మన్ ఒగ్గు దామోదర్,ఏఎంసీ మాజీ చైర్మన్ పులి కృష్ణ,వైస్ చైర్మన్ శ్రీనివాస్ రెడ్డి,కాంగ్రెస్ మండలాధ్యక్షుడు లింగాల శ్రీనివాస్,మాజీ అధ్యక్షుడు ముక్కిస రత్నాకర్ రెడ్డి,సర్పంచుల ఫోరం మండలాధ్యక్షుడు గూడెల్లి శ్రీకాంత్,జిల్లా కార్యదర్శి అక్కరవేణి పోచయ్య,ఆయా మండలాల పీఏసీఎస్ చైర్మన్లు,నాయకులు,కార్యకర్తలు పాల్గొన్నారు.(సూర్య రిపోర్టర్,భాస్కర్)
