భావోద్వేగ రాజకీయాలకు బలికావద్దు.. ప్రజలు ఆలోచించి నిర్ణయం తీసుకోవాలి: డా. శివ ప్రసాద్
చౌటుప్పల్, మేజర్ న్యూస్:భావోద్వేగాలతో ప్రజలను ప్రభావితం చేసే రాజకీయాలకు బలికావద్దని సహస్ర ఫౌండేషన్ చైర్మన్ డా. చినుకని శివ ప్రసాద్ అన్నారు. ప్రజల భవిష్యత్తు భావోద్వేగాలపై కాకుండా విద్య, వైద్యం, ఉపాధి, అభివృద్ధి, సామాజిక న్యాయంపై ఆధారపడాలని పేర్కొన్నారు.
ప్రభుత్వ పాఠశాలల్లో నాణ్యమైన విద్య, ప్రభుత్వ ఆసుపత్రుల్లో మెరుగైన వైద్యం, నిరుద్యోగులకు ఉద్యోగాలు, రైతులకు భరోసా కల్పించడమే రాజకీయాల ప్రధాన లక్ష్యం కావాలన్నారు. నాయకుల ప్రసంగాలకే పరిమితం కాకుండా వారి పనితీరును ప్రజలు పరిశీలించాలని సూచించారు.
నాయకుల అభిమానులుగా కాకుండా ప్రశ్నించే పౌరులుగా ఎదగాలి. వ్యక్తుల కోసం కాదు.. మన పిల్లల భవిష్యత్తు కోసం ఆలోచించాలి. భావోద్వేగాలకు కాదు.. ప్రజా సమస్యలకు ప్రాధాన్యత ఇచ్చే రాజకీయాలను ఆదరించాలి అని డా. చినుకని శివ ప్రసాద్ కోరారు.