ప్రజావాణికి మూడు ఫిర్యాదులు

బషీరాబాద్, మేజర్ న్యూస్: బషీరాబాద్ మండల ప్రజా పరిషత్ కార్యాలయంలో సోమవారం నిర్వహించిన ప్రజావాణి కార్యక్రమానికి మూడు ఫిర్యాదులు అందాయి. సూపరింటెండెంట్ విజయకుమారి అధ్యక్షతన జరిగిన ఈ కార్యక్రమంలో భూ సమస్యలు, ఇతర సమస్యలకు సంబంధించి ప్రజల నుంచి ఫిర్యాదులను అధికారులు స్వీకరించారు. వాటిని పరిశీలించి త్వరితగతిన పరిష్కరించేందుకు చర్యలు తీసుకుంటామని హామీ ఇచ్చారు.ఈ కార్యక్రమంలో విద్య, విద్యుత్, ఆర్‌అండ్‌బీ, అంగన్‌వాడీ, ఎక్సైజ్, అటవీ, రెవెన్యూ, వ్యవసాయ మార్కెట్ కమిటీ (ఏఎంసీ), పశుసంవర్ధక తదితర శాఖల అధికారులు పాల్గొన్నారు. ప్రతి సోమవారం నిర్వహించే ప్రజావాణిని ప్రజలు సద్వినియోగం చేసుకుని, తమ సమస్యలను అధికారుల దృష్టికి తీసుకురావాలని సూపరింటెండెంట్ విజయకుమారి కోరారు.

రిపోర్టర్: కాశీం పాషా, బషీరాబాద్, వికారాబాద్ జిల్లా.