andhrapradesh
మీ ఇంటి బిడ్డగా ఆశీర్వదించండి.. 21వ డివిజన్‌లో జనసేన–కూటమి అభ్యర్థి వెంకట సాయి ఇంటింటి ప్రచారం
అనంతపురం ప్రతినిధి మేజర్ న్యూస్:- మీ ఇంటి బిడ్డగా నన్ను ఆదరించండి.. మీ ఆశీస్సులతో ప్రజాసేవ చేసే అవకాశం కల్పించండి” అంటూ అనంతపురం నగరంలోని 21వ డివిజన్‌ కార్పొరేటర్‌ అభ్యర్థి, జనసేన పార్టీకి చెందిన వెంకట సాయి ప్రజలను అభ్యర్థించారు. డివిజన్‌లో ఇంటింటి ప్రచారం నిర్వహిస్తూ స్థానిక ప్రజలను ఆప్యాయంగా పలకరించారు. ప్రతి ఇంటికి వెళ్లి ప్రజల సమస్యలను అడిగి తెలుసుకున్నారు. జనసేన పార్టీ ఆశయాలు, ప్రజలకు సేవ చేయాలనే లక్ష్యంతో ఎన్నికల బరిలో నిలిచిన వెంకట సాయి.. ప్రజల మధ్య ఉంటూ, ప్రజల సమస్యల పరిష్కారానికి కృషి చేయడమే తన ప్రధాన లక్ష్యమని పేర్కొన్నారు. పదవి కోసం కాకుండా ప్రజలకు సేవ చేసే బాధ్యతగా ఈ ఎన్నికలను భావిస్తున్నట్లు తెలిపారు. డివిజన్‌లోని ప్రతి కుటుంబంతో అనుబంధాన్ని పెంపొందించుకుంటూ, ప్రజల నమ్మకాన్ని నిలబెట్టుకునేలా పనిచేస్తానని హామీ ఇచ్చారు
