ఘనంగా నూతన ఎంపీడీవోకు సన్మానం

సూర్య వీణవంక: వీణవంక మండలానికి నూతనంగా బాధ్యతలు స్వీకరించిన ఎంపీడీవోను చల్లూరు గ్రామ కాంగ్రెస్ పార్టీ నాయకులు మర్యాదపూర్వకంగా కలిసి ఘనంగా సన్మానించారు. ఈ సందర్భంగా ఎంపీడీవోకు పుష్పగుచ్ఛం అందించి శుభాకాంక్షలు తెలిపారు.ఈ సందర్భంగా నాయకులు మాట్లాడుతూ.. మండలంలోని గ్రామాల అభివృద్ధికి అధికారులు, ప్రజాప్రతినిధులు సమన్వయంతో పనిచేయాలని పేర్కొన్నారు. గ్రామాల్లో నెలకొన్న సమస్యలను పరిష్కరించడంతో పాటు ప్రజలకు ప్రభుత్వ సంక్షేమ పథకాలు అందేలా చర్యలు తీసుకోవాలని కోరారు. గ్రామపంచాయతీల అభివృద్ధి, మౌలిక వసతుల కల్పనకు ప్రాధాన్యత ఇవ్వాలని సూచించారు.నూతన ఎంపీడీవో నాయకుల అభినందనలకు కృతజ్ఞతలు తెలిపారు. ఈ కార్యక్రమంలో చల్లూరు గ్రామ కాంగ్రెస్ పార్టీ నాయకులు, కార్యకర్తలు పాల్గొన్నారు.