కళ్యాణలక్ష్మి చెక్కుల పంపిణీ చేసిన కాడ ఆఫీసర్ వెంకట్ రెడ్డి, కాంగ్రెస్ ఇన్‌చార్జి తిరుపతి రెడ్డి
దౌల్తాబాద్, మేజర్ న్యూస్:దౌల్తాబాద్ మండల కేంద్రంలోని రైతు వేదికలో అర్హులైన లబ్ధిదారులకు కాడ ఆఫీసర్ వెంకట్ రెడ్డి, కొడంగల్ కాంగ్రెస్ పార్టీ ఇన్‌చార్జి తిరుపతి రెడ్డి కళ్యాణలక్ష్మి చెక్కులను పంపిణీ చేశారు. ఈ సందర్భంగా వారు మాట్లాడుతూ పేద కుటుంబాలకు అండగా నిలిచేందుకు ప్రభుత్వం అమలు చేస్తున్న సంక్షేమ పథకాలను అర్హులైన ప్రతి ఒక్కరూ సద్వినియోగం చేసుకోవాలని సూచించారు. కాంగ్రెస్ ప్రభుత్వం అధికారంలోకి వచ్చిన తర్వాత ప్రజా సంక్షేమానికి ప్రాధాన్యతనిస్తూ పలు పథకాలను అమలు చేస్తోందని పేర్కొన్నారు.ఈ కార్యక్రమంలో కాంగ్రెస్ పార్టీ మండల అధ్యక్షుడు వెంకట్రావు, జిల్లా ఉపాధ్యక్షుడు వెంకట్ రెడ్డి, జంగం వీరన్న, మాజీ ఎంపీపీ పటేల్ విజయ్ కుమార్, తహసీల్దార్ వెంకట్ స్వామి, డిప్యూటీ తహసీల్దార్, సర్పంచులు బత్తుల శ్రీనివాస్ రెడ్డి, ప్రమోద్ రావు, మాజీ ఎంపీటీసీ మంజుల దస్తప్ప, వివిధ గ్రామాల సర్పంచులు, మాజీ సర్పంచులు, మాజీ ఎంపీటీసీలు, కాంగ్రెస్ నాయకులు, కార్యకర్తలు, తహసీల్దార్ కార్యాలయ సిబ్బంది తదితరులు పాల్గొన్నారు.
