telangana
పంచాయతీ కార్యదర్శి రవిపై కలెక్టర్ సస్పెన్షన్‌ వేటు
పంచాయతీ కార్యదర్శి రవిపై కలెక్టర్ సస్పెన్షన్‌ వేటు
-అక్రమ నిర్మాణాలు, రికార్డుల అవకతవకలపై చర్యలు
-అక్టోబర్‌ 15న ఉత్తర్వులు.. ఆలస్యంగా వెలుగులోకి
సిద్దిపేట రూరల్ : నారాయణరావుపేట గ్రామ పంచాయతీ కార్యదర్శి జె. రవికుమార్‌పై జిల్లా కలెక్టర్ కె. హైమావతి సస్పెన్షన్‌ వేటు వేశారు. గ్రామంలో అనుమతులు లేకుండా భవన నిర్మాణాలు చేపట్టడం, పంచాయతీ రికార్డుల్లో అవకతవకలు జరిగినట్లు వచ్చిన ఫిర్యాదులపై విచారణ జరిపి ఈ చర్యలు తీసుకున్నారు. అక్రమ నిర్మాణాలపై చర్యలు తీసుకోకపోవడం, ఇంటి నంబరు, పన్ను రసీదులు, నో డ్యూస్‌ సర్టిఫికెట్‌ జారీకి సంబంధించిన అవకతవకలను ఉత్తర్వుల్లో ప్రస్తావించారు. ఈ మేరకు అక్టోబర్‌ 15న సస్పెన్షన్‌ ఉత్తర్వులు జారీ కాగా, విషయం తాజాగా వెలుగులోకి వచ్చింది. క్రమశిక్షణ విచారణ పూర్తయ్యే వరకు సస్పెన్షన్‌ కొనసాగనుంది.
(సూర్య రూరల్, రమేష్)
