కృష్ణ స్విమర్స్ నూతన అధ్యక్షుడిగా పిన్నెల్లి పాండురంగారావు

కృష్ణ స్విమర్స్ నూతన అధ్యక్షుడిగా పిన్నెల్లి పాండురంగారావు

ప్రధాన కార్యదర్శిగా కొట్టారు రామారావు, ఉపాధ్యక్షుడిగా పచ్చిపాల నాగేశ్వరరావు బాధ్యతల స్వీకరణ

జగ్గయ్యపేట మేజర్ న్యూస్ , అక్టోబర్ 24: కృష్ణ స్విమర్స్ నూతన పాలక కమిటీ ప్రమాణ స్వీకార కార్యక్రమం శనివారం ఘనంగా నిర్వహించారు. ఈ కార్యక్రమంలో నూతన అధ్యక్షుడిగా  పిన్నెల్లి పాండురంగారావు, ప్రధాన కార్యదర్శిగా కొట్టారు రామారావు, ఉపాధ్యక్షుడిగా  పచ్చిపాల నాగేశ్వరరావు, కమిటీ సభ్యులుగా శివయ్య తదితరులు ప్రమాణ స్వీకారం చేసి పదవీ బాధ్యతలు చేపట్టారు.

కృష్ణ స్విమర్స్ అసోసియేషన్ గౌరవాధ్యక్షులు  మోటపోతుల కిషోర్ బాబు నూతన పాలక కమిటీ సభ్యులతో ప్రమాణ స్వీకారం చేయించారు. ఈ సందర్భంగా నూతన కమిటీ సభ్యులకు శుభాకాంక్షలు తెలియజేస్తూ, స్విమ్మింగ్ క్రీడ అభివృద్ధికి కృషి చేయాలని ఆకాంక్షించారు.

ఈ కార్యక్రమంలో అసోసియేషన్ గౌరవ సలహా మండలి సభ్యులు కొల్లి మార్షల్ స్టాలిన్, గోగుశెట్టి వెంకట మహేష్, తుళ్లూరి తిరుమలరావు, పూర్వ అధ్యక్షులు చెరుకూరి రమేష్, జగ్గయ్యపేట స్విమ్మింగ్ కోచ్ పొట్టబత్తిన పాండురంగారావు, కోచ్ లక్ష్మీ దంపతులతో పాటు పలువురు పాల్గొన్నారు.

నూతనంగా బాధ్యతలు చేపట్టిన కమిటీ సభ్యులను పలువురు అభినందించారు. రానున్న రోజుల్లో స్విమ్మింగ్ క్రీడాకారులను ప్రోత్సహిస్తూ, అసోసియేషన్ అభివృద్ధికి నూతన కమిటీ కృషి చేయాలని వారు ఆకాంక్షించారు.

రిపోర్టర్ :శివా జగ్గయ్యపేట ఎన్టీఆర్ జిల్లా