పెండింగ్ కేసులపై నిర్లక్ష్యం వద్దు!

ఖమ్మం రూరల్: వార్షిక తనిఖీల్లో భాగంగా ఖమ్మం రూరల్ ఏసీపీ కార్యాలయాన్ని పోలీస్ కమిషనర్ సునీల్ దత్ శనివారం తనిఖీ చేశారు. ఈ సందర్భంగా కార్యాలయంలోని రికార్డులు, కేసుల వివరాలు, పెండింగ్ ఫైళ్లను క్షుణ్ణంగా పరిశీలించారు. పెండింగ్ కేసుల పరిష్కారానికి ప్రాధాన్యత ఇవ్వాలని, రికార్డులను ఎప్పటికప్పుడు నవీకరించాలని అధికారులకు సూచించారు. ప్రజలకు మెరుగైన పోలీస్ సేవలు అందించేందుకు అధికారులు సమన్వయంతో, బాధ్యతాయుతంగా పనిచేయాలని ఆదేశించారు. ఈ కార్యక్రమంలో రూరల్ ఏసీపీ తిరుపతిరెడ్డి, సీఐలు ముష్కరాజు, మురళి, సాగర్, సంజీవ్, డివిజన్ ఎస్సైలు పాల్గొన్నారు.